Sy bloedalkoholvlak was 32 keer hoër as wat wettig is.
“Daai wa was so vol, die skape moes lepellê,” het mnr. Dos Landman, wat sowat 10 km buite Queenstown boer, gister gesê.
“Ek het so 23:00 ligte naby die ingang van my plaas gesien en gaan kyk of dit ’n ongeluk was. Toe sien ek die spulletjie.”
Mnr. Landman het vertel hoe die verkeersbeamptes aan hom verduidelik het dit was eintlik toegewasemde ruite wat hulle na dié “vonds” gelei het.
“Aanvanklik is die voertuig juis oor die toegewasemtgeit afgetrek,” het hy gesê. Toe die beamptes naderstaan aan die Mercedes-Benz Vito-bussie met sy Avbob-embleem, kry hulle buiten die skape ook vyf tienerseuns en ’n vrou daar binne.
Die 35-jarige manlike bestuurder se bloed is getoets en daar is gevind sy bloedalkoholvlak is 1,6 g/100 mF. Die toegelate vlak is 0,05 g/100 mF.
Daar is ook bevestiging gekry dat die skape op ’n plaas tussen Cradock en Tarkastad gesteel is.
Lt.kol Gcinikaya Taleni, polisiewoordvoerder, het gister gesê ’n klag van bestuur onder die invloed van drank is teen die bestuurder van die motor aanhangig gemaak.
Die eienaar van die skape, mnr. Japie van Gent, kon danksy brandmerke in die skape se ore opgespoor word. Al 15 is nou weer by hul baas.