Publications
Partners
Die Hervormde Kerk het lidmate wat nie langer deel van die kerk wil wees nie, gevra om te bedank.
“Eerder as dat ons mekaar vernietig, die kerk van Christus verder skade aandoen en die eer van God aantas, behoort ons in vrede uitmekaar te gaan,” sê die kommissie van die algemene kerkvergadering in ’n verklaring.
Dit het gebeur nadat ontevrede lidmate onder die vaandel van die “steedsHervormers” verlede naweek ’n staat van belydenis verklaar het waarin hulle die Hervormde Kerk van verskillende vorme van dwaalleer beskuldig.
Dit is een van die sterkste vorms van kerklike protes.
Die kommissie het die staat van belydenis egter verwerp. Hy sê dit verketter en veroordeel lidmate en ampsdraers van die kerk onbillik.
Voorts voldoen dit nie aan die vereistes van ’n staat van belydenis nie en slaag dit nie daarin om enige afwyking van leer of kettery aan te toon nie.
Die kommissie sê elkeen wat die staat van belydenis onderteken, stel hom- of haarself teenoor die Hervormde Kerk.
Dit is ’n pynlike ervaring dat sommige nie langer lidmate van die kerk wil wees of selfs daaroor wil praat nie. Vir sulke lidmate is daar net een eerbare weg, naamlik om te bedank.
Die kommissie sê eenheid in die kerk is belangrik en daarom is hy steeds bereid tot gesprek met beswaarde lidmate wat nog wil praat.
“Eerder as dat ons mekaar vernietig, die kerk van Christus verder skade aandoen en die eer van God aantas, behoort ons in vrede uitmekaar te gaan,” sê die kommissie van die algemene kerkvergadering in ’n verklaring.
Dit het gebeur nadat ontevrede lidmate onder die vaandel van die “steedsHervormers” verlede naweek ’n staat van belydenis verklaar het waarin hulle die Hervormde Kerk van verskillende vorme van dwaalleer beskuldig.
Dit is een van die sterkste vorms van kerklike protes.
Die kommissie het die staat van belydenis egter verwerp. Hy sê dit verketter en veroordeel lidmate en ampsdraers van die kerk onbillik.
Voorts voldoen dit nie aan die vereistes van ’n staat van belydenis nie en slaag dit nie daarin om enige afwyking van leer of kettery aan te toon nie.
Die kommissie sê elkeen wat die staat van belydenis onderteken, stel hom- of haarself teenoor die Hervormde Kerk.
Dit is ’n pynlike ervaring dat sommige nie langer lidmate van die kerk wil wees of selfs daaroor wil praat nie. Vir sulke lidmate is daar net een eerbare weg, naamlik om te bedank.
Die kommissie sê eenheid in die kerk is belangrik en daarom is hy steeds bereid tot gesprek met beswaarde lidmate wat nog wil praat.
