Publications
Partners
Durban. – ’n Boer van die KwaZulu-Natalse noordkus is op sy plaas doodgesteek terwyl hy met sy tweejarige dogter in die arms van sy aanvallers probeer vlug het.
’n Erg getraumatiseerde Hannah Wood het oortrek met bloed by die plaashuis se agterdeur ingekom op soek na haar ma en suster, het haar oupa, mnr. Gordon Wood, gister vertel.
Wood se seun, Wesley (30), is Sondag omstreeks 17:30 op sy plaas Kromarty Estate in die Doringkop-omgewing naby KwaDukuza vermoor nadat die gesin van die strand teruggekom het.
Volgens Wood sr. het die polisie een aanvaller aangekeer en is nog een uitgeken as die seun van ’n voormalige werknemer.
Die twee of drie aanvallers het ’n paar minute lank ná die gesin se tuiskoms agter ’n bakkie onder die afdak bly skuil voordat hulle toegeslaan het nadat mev. Sara Wood hul oudste kind, Rebecca (3), in die bad gesit het.
Volgens Wood sr. is sy skoondogter net buite die deur oorval toe sy iets uit die bakkie gaan haal het.
Sy is op die grond vasgepen, maar het die aanvaller afgegooi en die huis se deur ’n paar minute lank toegehou voordat die aanvallers dit oopgeskop het.
Sy het haar toe saam met Rebecca in die badkamer gaan toesluit.
Dit was in daardie stadium dat Wood jr. van die hoenderbattery teruggekom het waar hy seker gemaak het dat niks weens die hitte met die hoenders skort nie.
Sy pa het gesê Wood jr. het sy jongste dogter gegryp en sonder om te weet waar die res van sy gesin is met haar na die voortuin gevlug.
Die aanvallers het hom daar rondgejaag en met ’n mes in die long gesteek, het Wood sr. gesê.
Sy seun is op die toneel dood.
Die gesin, veral die kinders, is erg getraumatiseerd, het Wood sr. gesê.
Die motief vir die aanval is steeds ’n raaisel omdat niks gevat is nie.
Kol. Jay Naicker, polisiewoordvoerder, het gesê mev. Wood het die alarm se noodknoppie gedruk nadat die aanvallers gevlug het.
Volg Beeld op Twitter en gesels saam op Facebook.
’n Erg getraumatiseerde Hannah Wood het oortrek met bloed by die plaashuis se agterdeur ingekom op soek na haar ma en suster, het haar oupa, mnr. Gordon Wood, gister vertel.
Wood se seun, Wesley (30), is Sondag omstreeks 17:30 op sy plaas Kromarty Estate in die Doringkop-omgewing naby KwaDukuza vermoor nadat die gesin van die strand teruggekom het.
Volgens Wood sr. het die polisie een aanvaller aangekeer en is nog een uitgeken as die seun van ’n voormalige werknemer.
Die twee of drie aanvallers het ’n paar minute lank ná die gesin se tuiskoms agter ’n bakkie onder die afdak bly skuil voordat hulle toegeslaan het nadat mev. Sara Wood hul oudste kind, Rebecca (3), in die bad gesit het.
Volgens Wood sr. is sy skoondogter net buite die deur oorval toe sy iets uit die bakkie gaan haal het.
Sy is op die grond vasgepen, maar het die aanvaller afgegooi en die huis se deur ’n paar minute lank toegehou voordat die aanvallers dit oopgeskop het.
Sy het haar toe saam met Rebecca in die badkamer gaan toesluit.
Dit was in daardie stadium dat Wood jr. van die hoenderbattery teruggekom het waar hy seker gemaak het dat niks weens die hitte met die hoenders skort nie.
Sy pa het gesê Wood jr. het sy jongste dogter gegryp en sonder om te weet waar die res van sy gesin is met haar na die voortuin gevlug.
Die aanvallers het hom daar rondgejaag en met ’n mes in die long gesteek, het Wood sr. gesê.
Sy seun is op die toneel dood.
Die gesin, veral die kinders, is erg getraumatiseerd, het Wood sr. gesê.
Die motief vir die aanval is steeds ’n raaisel omdat niks gevat is nie.
Kol. Jay Naicker, polisiewoordvoerder, het gesê mev. Wood het die alarm se noodknoppie gedruk nadat die aanvallers gevlug het.
Volg Beeld op Twitter en gesels saam op Facebook.
