Publications
Partners
’n Nuwe behandeling vir tuberkulose wat pas deur die Amerikaanse voedsel-en-medisyne-owerheid (FDA) goedgekeur is en die siekte moontlik kan genees, kan tot die redding van pasiënte kom wat nie by ander behandeling baat vind nie.
Die FDA het bedakwilien goedgekeur as behandeling vir pasiënte met weerstandige tuberkulose (MDR-TB), het Dokters Sonder Grense (MSF) in ’n verklaring gesê. Dit is die eerste keer in 50 jaar dat nuwe behandeling vir MDR-TB goedgekeur is.
“Dit is noodsaaklik om te verstaan dat dié middel ’n lewensredder is vir baie mense wie se opsies opgeraak het,” het dr. Helen Cox, ’n MSF-epidemioloog,
gesê.
Suid-Afrika het een van die hoogste vlakke van MDR-TB ter wêreld en minstens 13?000 nuwe voorvalle word vanjaar volgens die Wêreldgesondheidsorganisasie verwag.
Die huidige behandeling van MDR-TB behels ’n twee jaar lange program van medisyne en seer inspuitings wat moontlik
erge newe-effekte soos gehoorverlies kan veroorsaak. Daarby het pasiënte net ’n 50%-kans op genesing.
“Daar is ’n dringende behoefte aan nuwe middels soos dié gegewe die groeiende epidemie van weerstandige TB in plekke soos Suid-Afrika,” aldus dr. Eric Goemaere, die MSF se mediese koördineerder in Suid-Afrika.
Toegang tot bedakwilien in Suid-Afrika is tot dusver baie beperk. Die enigste pasiënte wat dit gekry het, is dié in kliniese toetse, sowel as vier pasiënte wat deur ’n kortstondige “barmhartige gebruik”-program van die Suid-Afrikaanse Medisynebeheerraad goedgekeur is. Hiervolgens mag dokters ongoedgekeurde medisyne aan ernstig siek pasiënte voorskryf as geen ander behandeling werk nie.
Onder die vier pasiënte is dr. Dalene von Delft, wat die siekte opgedoen het terwyl sy na MDR-TB-pasiënte omgesien het.
“Ek sou doof word weens my TB-behandeling en dit sou tot die einde van my loopbaan as dokter, of ’n stadige dood aan TB gelei het,” het Von Delft gesê.
Sy het alles in haar vermoë gedoen om bedakwilien te kry. Sy is nou genees van TB.
Die FDA het bedakwilien goedgekeur as behandeling vir pasiënte met weerstandige tuberkulose (MDR-TB), het Dokters Sonder Grense (MSF) in ’n verklaring gesê. Dit is die eerste keer in 50 jaar dat nuwe behandeling vir MDR-TB goedgekeur is.
“Dit is noodsaaklik om te verstaan dat dié middel ’n lewensredder is vir baie mense wie se opsies opgeraak het,” het dr. Helen Cox, ’n MSF-epidemioloog,
gesê.
Suid-Afrika het een van die hoogste vlakke van MDR-TB ter wêreld en minstens 13?000 nuwe voorvalle word vanjaar volgens die Wêreldgesondheidsorganisasie verwag.
Die huidige behandeling van MDR-TB behels ’n twee jaar lange program van medisyne en seer inspuitings wat moontlik
erge newe-effekte soos gehoorverlies kan veroorsaak. Daarby het pasiënte net ’n 50%-kans op genesing.
“Daar is ’n dringende behoefte aan nuwe middels soos dié gegewe die groeiende epidemie van weerstandige TB in plekke soos Suid-Afrika,” aldus dr. Eric Goemaere, die MSF se mediese koördineerder in Suid-Afrika.
Toegang tot bedakwilien in Suid-Afrika is tot dusver baie beperk. Die enigste pasiënte wat dit gekry het, is dié in kliniese toetse, sowel as vier pasiënte wat deur ’n kortstondige “barmhartige gebruik”-program van die Suid-Afrikaanse Medisynebeheerraad goedgekeur is. Hiervolgens mag dokters ongoedgekeurde medisyne aan ernstig siek pasiënte voorskryf as geen ander behandeling werk nie.
Onder die vier pasiënte is dr. Dalene von Delft, wat die siekte opgedoen het terwyl sy na MDR-TB-pasiënte omgesien het.
“Ek sou doof word weens my TB-behandeling en dit sou tot die einde van my loopbaan as dokter, of ’n stadige dood aan TB gelei het,” het Von Delft gesê.
Sy het alles in haar vermoë gedoen om bedakwilien te kry. Sy is nou genees van TB.
