Die Poskantoor het vanoggend aangekondig dat die staking wat
vir die afgelope twee maande posaflewering in Ekurhuleni, Mogale City, noord-
en sentraal-Johannesburg en dele van Soweto geraak het, nou verby is.
Tydelike werkers van die Poskantoor het gestaak vir
permanente poste. Gisteraand is 'n ooreenkoms tussen die Poskantoor en
rolspelers, waaronder arbeidsmakelaars en vakbonde, bereik.
Janras Kotsi, uitvoerende hoof van possake by die
Poskantoor, het in 'n verklaring gesê die agterstand in posaflewering in die gebiede wat deur die staking geraak is, sal binne die volgende paar dae uitgewis
word.
"Ek wil namens die Poskantoor om verskoning vra aan enigiemand wat
deur die gebrek aan dienste geraak is. Ons doen alles in ons vermoë om te
verhoed dat só iets weer gebeur," het Kotsi gesê.
