Publications
Partners
Verlede jaar se 20 top-matriek-presteerders in Noordwes het nou, byna ’n jaar nadat die provinsie se premier glo beurse aan hulle beloof het, nog nie ’n sent daarvan gesien nie.
Onder hulle is Izak Nel, die provinsie se toppresteerder, wie se gemiddelde 96% was. Hy studeer aktuariële wetenskap op die Noordwes-Universiteit (NWU) se Potchefstroom-kampus (Puk) en handhaaf steeds ’n gemiddelde van meer as 90%. GJ Heyns, wat 12de gestaan het en nou dieselfde kursus volg, is ook beursloos.
Verskeie toppresteerders en hul ouers het toe hulle in Januarie vanjaar in Mafikeng vereer is, gehoor hoe die premier, me. Thandi Modise, in haar toespraak beloof leerlinge in die top-20 wat aan die NWU gaan studeer, sal beurse kry.
“Toe ek begin navraag doen, hoor ek dit geld net toppresteerders wat op die Mafikeng-kampus gaan studeer, maar dis nie wat die premier in haar toespraak gesê het nie,” het me. Leonie Heyns, GJ se ma en landdros in Schweizer-Reneke, gister vertel.
Volgens Izak se ma het hulle verskeie kere ’n transkripsie van die premier se toespraak van haar kantoor aangevra, sonder sukses.
Die premierskantoor het toppresteerders se ouers kort ná die vereringsgeselligheid genader om vorms vir “beursaansoeke” in te vul.
By van dié ouers, soos me. Anelle Aslett, het ’n amptenaar van die provinsiale regering glo selfs die indruk gewek dat al 20 toppresteerders beurse sou kry.
Die beursaansoekvorms is ook aan kinders wat nié by die Puk sou gaan studeer nie, gestuur.
Aslett se seun, Henry, het agtste beste in die provinsie presteer en studeer nou medies aan die Universiteit van die Vrystaat.
Me. Aslett sit nou met hande in die hare omdat sy tot dusver nie vir ’n lening by die bank kon kwalifiseer nie en haar seun se merietebeurs nie al sy studiekoste dek nie. “Ek weet nie waar ek R6 000 gaan kry vir sy registrasiegeld in Januarie nie. Ek maak staat op die (beloofde) beurs.”
Me. Nel wonder ook hoekom ’n verwagting oor beurse geskep is deur ouers van toppresteerders te vra om alle bewyse van prestasie, matriekuitslae, verblyf, salarisstrokies, ensovoorts, saam met die beursaansoeke in te dien as daar geen bedoeling van die premierskantoor of die departement van onderwys was om beurse toe te ken nie.
“Beurse net vir Mafikeng, departement beloof niks”
Slegs die Mafikeng-kampus het beurse aangebied vir die 20 top-matriekpresteerders (van 2010) in Noordwes, het mnr. Louis Jacobs, woordvoerder van die Noordwes-Universiteit (NWU), gister gesê.
“Nie een van die top-20 het op dié kampus gaan studeer nie. Ander presteerders in die provinsie wat nie in die top-20 was nie, maar wel op die Mafikeng-kampus gaan studeer het, het toe wel spesiale rektorsbeurse ontvang.”
Die premierskantoor het vroeër in reaksie op ’n navraag oor die beursbeloftes van mnr. Chris Hattingh, DA-leier in Noordwes, ontken dat die kantoor ooit beurse aan toppresteerders beloof het.
Volgens die premierskantoor het die NWU beurse beloof aan studente wat aan dié universiteit gaan studeer, maar geen melding word in die premierskantoor se reaksie gemaak dat die beurse net beperk sou wees tot studente op die Mafikeng-kampus nie.
Die brief is in Beeld se besit. ’n Lys van name van NWU-studente wat beurse ontvang het, is by die premierskantoor se brief aangeheg – en nie een van dié beursontvangers was onder 2010 se 20 top-presteerders nie. Uit die lys blyk ook die beurse kom hoofsaaklik van buite-instansies, soos die departement van gesondheid, en nie net van die universiteit, soos dit in die premierskantoor se brief gestel word nie.
Izak Nel
GJ Heyns
Henry Aslett
Onder hulle is Izak Nel, die provinsie se toppresteerder, wie se gemiddelde 96% was. Hy studeer aktuariële wetenskap op die Noordwes-Universiteit (NWU) se Potchefstroom-kampus (Puk) en handhaaf steeds ’n gemiddelde van meer as 90%. GJ Heyns, wat 12de gestaan het en nou dieselfde kursus volg, is ook beursloos.
Verskeie toppresteerders en hul ouers het toe hulle in Januarie vanjaar in Mafikeng vereer is, gehoor hoe die premier, me. Thandi Modise, in haar toespraak beloof leerlinge in die top-20 wat aan die NWU gaan studeer, sal beurse kry.
“Toe ek begin navraag doen, hoor ek dit geld net toppresteerders wat op die Mafikeng-kampus gaan studeer, maar dis nie wat die premier in haar toespraak gesê het nie,” het me. Leonie Heyns, GJ se ma en landdros in Schweizer-Reneke, gister vertel.
Volgens Izak se ma het hulle verskeie kere ’n transkripsie van die premier se toespraak van haar kantoor aangevra, sonder sukses.
Die premierskantoor het toppresteerders se ouers kort ná die vereringsgeselligheid genader om vorms vir “beursaansoeke” in te vul.
By van dié ouers, soos me. Anelle Aslett, het ’n amptenaar van die provinsiale regering glo selfs die indruk gewek dat al 20 toppresteerders beurse sou kry.
Die beursaansoekvorms is ook aan kinders wat nié by die Puk sou gaan studeer nie, gestuur.
Aslett se seun, Henry, het agtste beste in die provinsie presteer en studeer nou medies aan die Universiteit van die Vrystaat.
Me. Aslett sit nou met hande in die hare omdat sy tot dusver nie vir ’n lening by die bank kon kwalifiseer nie en haar seun se merietebeurs nie al sy studiekoste dek nie. “Ek weet nie waar ek R6 000 gaan kry vir sy registrasiegeld in Januarie nie. Ek maak staat op die (beloofde) beurs.”
Me. Nel wonder ook hoekom ’n verwagting oor beurse geskep is deur ouers van toppresteerders te vra om alle bewyse van prestasie, matriekuitslae, verblyf, salarisstrokies, ensovoorts, saam met die beursaansoeke in te dien as daar geen bedoeling van die premierskantoor of die departement van onderwys was om beurse toe te ken nie.
“Beurse net vir Mafikeng, departement beloof niks”
Slegs die Mafikeng-kampus het beurse aangebied vir die 20 top-matriekpresteerders (van 2010) in Noordwes, het mnr. Louis Jacobs, woordvoerder van die Noordwes-Universiteit (NWU), gister gesê.
“Nie een van die top-20 het op dié kampus gaan studeer nie. Ander presteerders in die provinsie wat nie in die top-20 was nie, maar wel op die Mafikeng-kampus gaan studeer het, het toe wel spesiale rektorsbeurse ontvang.”
Die premierskantoor het vroeër in reaksie op ’n navraag oor die beursbeloftes van mnr. Chris Hattingh, DA-leier in Noordwes, ontken dat die kantoor ooit beurse aan toppresteerders beloof het.
Volgens die premierskantoor het die NWU beurse beloof aan studente wat aan dié universiteit gaan studeer, maar geen melding word in die premierskantoor se reaksie gemaak dat die beurse net beperk sou wees tot studente op die Mafikeng-kampus nie.
Die brief is in Beeld se besit. ’n Lys van name van NWU-studente wat beurse ontvang het, is by die premierskantoor se brief aangeheg – en nie een van dié beursontvangers was onder 2010 se 20 top-presteerders nie. Uit die lys blyk ook die beurse kom hoofsaaklik van buite-instansies, soos die departement van gesondheid, en nie net van die universiteit, soos dit in die premierskantoor se brief gestel word nie.
Izak Nel
GJ Heyns
Henry Aslett
