- Die Wetsontwerp op die Beskerming van Inligting
Die klousule wat ’n minimum vonnis van 15 jaar voorstel vir diegene wat daaraan skuldig bevind word dat hulle inligting wederregtelik bekom, insamel of versprei, is ook verwyder.
Daar word egter uit verskeie oorde gewaarsku dat die stryd nog lank nie gewonne is nie. Een groot twispunt is die definisie van die begrip “nasionale sekerheid” wat steeds te wyd is, en die ANC se teenkanting teen die openbare-belang-verweer.
Laasgenoemde bepaling sal aan joernaliste beskerming verleen wanneer geklassifiseerde staatsinligting gepubliseer word. Die spertyd vir die finalisering van die wetgewing is tot 23 September verleng;
- Bespreking van adv. Thuli Madonsela, die openbare beskermer, se verslag oor die huur van polisiekantore
Die gesamentlike komitee moet toesien dat pres. Jacob Zuma en die kabinet remediërende stappe teen die oortreders doen;
- Groenskrif oor Grondhervorming
- Nuwe ondersoek na wapentransaksie
Die ANC skop vas, maar die DA meen daar is genoeg gronde vir lt.genl. Anwa Dramat, hoof van die Valke, die polisie se elite-ondersoekeenheid, om die ondersoek te heropen; en
- Hervorming van Valke
Die konstitusionele hof het in Maart bevind die Valke, wat die Skerpioene vervang het, is nie onafhanklik nie en kwesbaar vir politieke inmenging. Die regering het 18 maande tyd om die uitspraak te gehoorsaam.