Publications
Partners
Die grootste vredestydse veiligheidsoperasie in die Britse geskiedenis is aan die gang ter voorbereiding van die Olimpiese Spele wat van 27 Julie tot 12 Augustus in Londen gehou word.
Die helikopterdraer HMS Ocean, die grootste skip in die Britse vloot, lê al weke lank vasgemeer in die Teems om as drywende hoofkwartier van die operasie te dien.
Met sy gevorderde radar- en kommunikasievermoë kan die skip ook bedreiging uit die lug betyds opspoor.
Die inwoners van verskeie woonstelblokke in die omgewing van die Olimpiese dorp en stadion in die ooste van Londen het ook verbaas opgekyk toe die Britse leër voorbereidings vir die plaas van lugafweer-missielbatterye op die geboue se dakke aangebring het.
Die idee is wel dat die militêre aanwesigheid tydens die Spele self, wanneer honderdduisende besoekers verwag word, op die agtergrond sal bly.
Intussen berig Britse koerante dat die Britse veiligheidsdienste sowat ’n halfmiljoen mense se agtergrond sal ondersoek om te keer dat terroriste of misdadigers die Spele ontwrig.
Die departement van binnelandse sake het sover reeds akkreditasie vir 100 mense geweier, maar nog kan volg.
Mense sal nie akkreditasie geweier word bloot op grond van ’n misdaadgeskiedenis nie, maar net as daar bevind word dat hulle ’n bedreiging vir die nasionale veiligheid kan inhou.
Die helikopterdraer HMS Ocean, die grootste skip in die Britse vloot, lê al weke lank vasgemeer in die Teems om as drywende hoofkwartier van die operasie te dien.
Met sy gevorderde radar- en kommunikasievermoë kan die skip ook bedreiging uit die lug betyds opspoor.
Die inwoners van verskeie woonstelblokke in die omgewing van die Olimpiese dorp en stadion in die ooste van Londen het ook verbaas opgekyk toe die Britse leër voorbereidings vir die plaas van lugafweer-missielbatterye op die geboue se dakke aangebring het.
Die idee is wel dat die militêre aanwesigheid tydens die Spele self, wanneer honderdduisende besoekers verwag word, op die agtergrond sal bly.
Intussen berig Britse koerante dat die Britse veiligheidsdienste sowat ’n halfmiljoen mense se agtergrond sal ondersoek om te keer dat terroriste of misdadigers die Spele ontwrig.
Die departement van binnelandse sake het sover reeds akkreditasie vir 100 mense geweier, maar nog kan volg.
Mense sal nie akkreditasie geweier word bloot op grond van ’n misdaadgeskiedenis nie, maar net as daar bevind word dat hulle ’n bedreiging vir die nasionale veiligheid kan inhou.
