ENSENADA. – ’n Seiljag wat aan ’n resies naby die kuste van Kalifornië en Mexiko deelgeneem het, het klaarblyklik in die nag teen ’n veel groter skip gebots. Volgens ’n seilvereniging is drie bemanningslede dood en een word vermis.
Die 37 voet lange Aegean, wat met vier bemanningslede geseil het, is Saterdag as vermis aangemeld tydens die 125 myl (ongeveer 202km) -seiljagresies tussen Newport Beach, Kalifornië en Ensenada, Mexiko, het die Amerikaanse kuswag gesê.
Die Newport Ocean Sailing Association, die organiseerder van die resies, het gesê die ongeluk het waarskynlik Vrydag laat of Saterdagoggend vroeg naby die seegrens tussen die twee lande gebeur.
Die kuswag kon nog nie bepaal wat presies met die seiljag tydens die wedvaart gebeur het nie. – Sapa
Die Burger
