Pretoria - Iziboshwa ezidabuka eCongo, eziboshwe ejele lasePitoli, kuleli laseNingiizmu Afrika, sezikhale ngesihluku ezithi ziphethwe ngaso njengoba zilindele ukuqulwa kwecala lazo.
Iziboshwa ezingu-2, zabekwa amacala okwaka itulo lokubulala uMengameli wezwe laso, uJoseph Kabila, kanjalo nokuhlela ukuketula umbuso wase-DRC.
"Ngithole izikhalazo, iziboshwa zithi zithola ukuhlukumezeka ziphinde zikhulunyiswe kabi," kusho ummeli uThesigan Pillay, etshela abezindaba ze-AFP.
Einyangeni ezingu-17 ezedlule, kwaboshwa amadoda angu-20, ngemuva kokuthi amaphoyisa evundulile ngetulo lokubulawa kukaKabila nabanye abaholi baseDRC.
"Omunye wabasolwa uthi babezomgwaza ngommese," kusho uPillay, othi abasolwa abatholi nosizo lwezempilo kunjalo banikwa ihora libe linye kuphela ukuthi baphumele ngaphadle bathole ilanga.
Ukuqulwa kwecala bekubhekeke ukuthi kuqale ngoMsombuluko.
Abalandeli bakaKabila bagcwale ngaphandle kwenkantolo, beshaya iziqubulo.
Amadoda abhekene namacala aseminyakeni yobudala ephakathi kuka-25 no-49, asehlale kuleli laseNingizimu Afrika isikhathi eside kanti aseqenjini elizibiza nge-Union of Nationalists for the Renewal (UNR) of the Democratic Republic of Congo.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.