Lagos - ISynagogue Church of All Nations ithi sekuseduze kubuyiswe izidumbu zabantu baseNingizimu Afrika abashona kuwa isakhiwo sebandla esihlala izivakashi eLagos.
Bangaphezulu kwabangu-80 abantu baseNingizimu Afrika abashona ngesikhathi kuwa isakhiwo sesonto esikhathini esingangenyanga esedlule, kubika iSABC.
Kusukela lapho imindeni isalokhu ilinde ukufihla abathandiweyo bayo.
Umndeni wakwaMandubo eSoweto usuthenge ngisho ibhokisi lokufihla indodakazi yawo, uPrudence oneminyaka engu-30 ubudala.
Funda nalolu daba: Kunokungabaza ngesivumelwano esenziwe neBoko Haram.
U-anti wakhem, uKholiwe Khumalo, uthi akufisayo nje ukuba kusheshiswe uhlelo. “Sithandazela ukuba ngelinye babuyiselwe ekhaya."
"Nginxusa uhulumeni waseNingizimu Afrika nowaseNigeria ukuba basebenzisane ngenhloso yokuqinisekisa ukuba izidumbu zibuyiselwa ekhaya,” usho kanje.
ISynagogue Church of all Nations ithi ilokhu ixoxisana nezikhulu zaseNingizimu Afrika nezaseNigeria kanti uhlelo lonke lokubuyiselwa kwezidumbu ekhaya lungase luphothulwe maduzane.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.
– Landela IzindabaNews24 kuTwitter (@IzindabaNews24).