Abuja - Izikhulu nabagqugquzeli bami ngomumo balindele inqubekela phambili odabeni lokudedelwa kwamantombazane angaphezu kuka-200.athunjwa yiqembu lamaphekukla elimise kabi izwe laseNigeria, iBoko Haram.
Ixhala liza ngemuva kwezindaba ezithi iHhovisi likaMengameli wezwe libe nesivumelwano namaphekula ngokudedelwa kwezingane zesikole.
Isikhulu esiphezulu emasosheni uMarshal Alex Badeh, utshele umhlangano obanjelwe eCameroon, wathi kuzobekwa phansi izikhali, wathi uhulumeni ufinyelele esivumelwaneni namaphekula.
Funda nalolu daba: Uhulumeni waseNigeria wenze isivumelwano neBoko Haram
"Sengicele izikhulu emasosheni ukuthi zisebenzisane nezinhlelo zokuthi kuphumelele isivumelwano.
Usho lokhu nje uBadeh, isikhulu esisondelene noMengameli wezwe uGoodluck Jonathan, uHassan Tukur, usanda kutshela abezindaba ze-AFP ukuthi kunesivumelwano esikhona esenziwe namaphekula.
Amantombazane angu-219, athunjwa esikoleni ngenyanga ka-Ephreli.
– "Like"
ikhasi lethu ku-Facebook uze ukwazi ukujoyina inkulumo ngolimi lwakho.