Publications
Partners
Lagos – Amaphoyisa aseNigeria abophe ozame ukudayisa
unkosikazi wakhe kubalaphi bendabukio ngenhloso yokuqhuba usiko lokuthakatha.
Ngokusho kwamaphoyisa ngoLwesine lona wesilisa bekumele athole owesifazane oyintombi nto kodwa ngenxa yokwehluleka wadayisa ngomkakhe.
“Lona wesilisa uhehe umkakhe ukuthi baye endaweni esahlathi ukuyolanga izinkuni zokubasa nokuthe befika kuleli hlathi bafica izinyanga ezimbili wabe esemdlulisela kuzona ngenani lika800 000 naira (R57 000),” kusho okhulumela amaphoyisa u-Abuh Emmanuel.
OLUNYE UDABA: Babekelwe imithetho emisha abathakathi
Kubikwa ukuthi lo mlisa uqambe amanga kulezi zinyanga ezifihlela ukuthi lona wesifazane ngumkakhe futhi akayona intombi nto.
“Ngesikhathi lezi zinyanga zithola ukuthi lo mlisa uziqambele amanga zibe sezimdedela lona wesifazane zamtshela ukuthi makaye kobikela amaphoyisa.
Bezingeke zikwazi ukumsebenzisa ngoba akaseyona intombi nto ngoba lolu siko ludinga owesifazane ongakaze ahlangane nowesilisa,” kuchaza u-Emmanuel.
Uthe lona wesilisa nababili abebemphelezela bakhalelwe ngamasongo kaSigonyela ngemuva kokuba unkosikazi evule icala.
“Laba esibabophile bazobhekana necala lokuzimbandakanya nesenzo sobugebengu nokuzama ukubulala,” kusho leli phoyisa.
Izigameko zokuthakatha eNigeria ziyinsakavukela umchilo wesidwaba.
Ngokusho kwamaphoyisa ngoLwesine lona wesilisa bekumele athole owesifazane oyintombi nto kodwa ngenxa yokwehluleka wadayisa ngomkakhe.
“Lona wesilisa uhehe umkakhe ukuthi baye endaweni esahlathi ukuyolanga izinkuni zokubasa nokuthe befika kuleli hlathi bafica izinyanga ezimbili wabe esemdlulisela kuzona ngenani lika800 000 naira (R57 000),” kusho okhulumela amaphoyisa u-Abuh Emmanuel.
OLUNYE UDABA: Babekelwe imithetho emisha abathakathi
Kubikwa ukuthi lo mlisa uqambe amanga kulezi zinyanga ezifihlela ukuthi lona wesifazane ngumkakhe futhi akayona intombi nto.
“Ngesikhathi lezi zinyanga zithola ukuthi lo mlisa uziqambele amanga zibe sezimdedela lona wesifazane zamtshela ukuthi makaye kobikela amaphoyisa.
Bezingeke zikwazi ukumsebenzisa ngoba akaseyona intombi nto ngoba lolu siko ludinga owesifazane ongakaze ahlangane nowesilisa,” kuchaza u-Emmanuel.
Uthe lona wesilisa nababili abebemphelezela bakhalelwe ngamasongo kaSigonyela ngemuva kokuba unkosikazi evule icala.
“Laba esibabophile bazobhekana necala lokuzimbandakanya nesenzo sobugebengu nokuzama ukubulala,” kusho leli phoyisa.
Izigameko zokuthakatha eNigeria ziyinsakavukela umchilo wesidwaba.
- “Like” ikhasi lethu kuFacebook ukuze uthole izindaba ngolimi lwakho
