Harare – Amaphoyisa aseZimbabwe abophe inqwaba yabantu abebebhikisha, aphinde ashaya abanye babo ngoLwesithathu njengoba kunemibhikisho, kukhalwa ngezinga eliphezulu labantu abangasebenzi, kusho intatheli ye-AFP.
Amaphoyisa abehlome ngezinduku aqonde kubantu abebebhikisha beqembu eliphikisayo, iMovement for Democratic Change, eHarare, bafike babashaya.
Umbhikisho ubanjwe ngemuva kwezinsuku umholi weqembu eliphikisayi ememezele ukuthi kuzoba nemibhikisho ephikisana nokwehluleka ukusebenza kukahulumeni kaMugabe.
Kuthiwa ababhikishi bashayiwe bafakwa emavenini amaphoyisa ngesikhathi beya ePhalamende.
Amaphoyisa awatholakalanga ukuba aqinisekise isibalo sababoshiwe
nokuthi sebethwesiwe yini amacala.
– "Like"
ikhasi lethu ku-Facebook uze ukwazi ukujoyina inkulumo ngolimi lwakho.