Angase adedelwe unesi owajova ingane ngone'HIV'

Kampala – INkantolo yase-Uganda inxuse ikhiphe isinqumo sokuthi umhlengikazi owalahlwa yicala lokusulela ingane encano ngesifo sesandulela ngculaza asheshe akhululwe ejele.

Lo mhlengikazi onesifo sengculaza wajova ingane eneminyaka emibili ubudala ngomjovo ayezijove ngawo.

Kubikwa ukuthi lesi sigameko savusa uthuthuva ezweni lase-Uganda njengoba abanye baze balibeka ngembaba ukuthi uRosemary Namubiru oneminyaka engu-64 ubudaka ‘ungunesi ongumbulali’. 

Abanye babemsola ngokuthi lesi senzo wasenza ngamabomu futhi wayekwazi kamhlophe akwenzayo ngesikhathi ejova le ngane.

Nakuba lesi sigameko senzeka kodwa le ngane ayizange itholwe inalesi sifo ngesikhathi ihlolwa.

OLUNYE UDABA: Unesi uthole isigwebo sentambo ngokuhushulisa isisu

NgoLwesihlanu iNkantolo ePhakeme yezobuLungiswa isigodlile isinqumo sokulahla uNamubiru ngaleli cala esathulwa ngoMeyi.

Kule nkantolo kuvele ukuthi uNamubiru usejeze ngokwanele ngesikhathi asesihlalile ejele.

Phambilini lo nesi inkantolo yamgweba iminyaka emithathu ebhadla ejele njengoba esechithe isikhathi esingaphansi konyaka.

Ummeli wakhe uthe bazoqhubeka nokulwa kuze kube uyadedelwa ngokugcwele uNamubiru.

    - “Like” ikhasi lethu kuFacebook ukuze uthole izindaba ngolimi lwakho

      - Landela IzindabaNews24 kuTwitter