Ayanda amadelakufa esifazane eNigeria

Kano – Isikhulu samaphoyisa sithi yidelakufa lesifazane elihlasele edolobheni elisenyakatho yezwe laseNigeria, eKano.

UKhomishana wamaPhoyisa aseKano u-Aderenle Shimanaba uthe isehlakalo senzeke kuleli sonto ngesikhathi kuhlaselwa abafundi abebethweswa iziqu.

Uthe okwamanje abekho asebephumele obala ngokuthi bayathinteka kusona, okuyisehlakalo sesine ukwenziwa ngumuntu wesifazane eKano esikhathini esingangesonto.

U-Isa Ahmed, ongunogada, uthe ubone izidumbu eziyisithupha ngemuva kokuqhuma kwebhomu.

U-Ibrahim Ado Daneji yena uthe umfowabo ushone ngoLwesine ngemuva kokulimala esehlakalweni.

Kusolwa iBoko Haram ngalokhu kuhlasela, njengoba leli qembu selibaqedile abantu muva nje.

Ababili besifazane baziqhumisa ngamabhomu ngeSonto, kwashona abantu abane.

NgoMsombuluko futhi oyedwa wesifazane naye wenze okufanayo egalaji likaphethiloli kwashona abathathu. 

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).