Lagos – Inhlangano emele amalungelo abantu eNigeria isinxuse ukuba
kuphenywe uhulumeni waseNigeria ngokuthumela imali engu-$9.3million eNingizimu
Afrika ngenhloso yokuzothenga izikhali.
Ngokombiko le nhlangano iSoci-Economic
Rights and Accountability Project inxuse
abaphenyi bomhlaba ukuba baphenyisie uhulumeni waseNigeria ngenxa yokuthi lo
hulumeni waqasha indiza eyisipesheli ukuthumela lesi samba semali eNingizimu
Afrika.
OLUNYE UDABA: Elakuleli selithengise izikhali zika-R1.7 billion
Kubikwa ukuthi le mali ebigcwele amapotimende amathathu ishaqwe
ngamaphoyisa ophiko olubheka ukuphuma nokungena kwezimpahla kuleli esikhumulweni sezindiza eLanseria eGoli.
Umbiko uthi amaphoyisa aphose imibuzo abesilisa ababili abadabuka eNigeria
noyedwa wase-Israel.
Kuzokhumbuleka ukuthi udaba lokuthengisw akwezikhali
kuleli wudaba olusematheni njengoba kuqhubeka ikhomsihini kaSeriti edingida
ukuthengwa kwezikhali kuleli.
- “Like” ikhasi lethu kuFacebook ukuze uthole izindaba ngolimi lwakho