Zanzibar - Abantu ababili basanyamalele ngemuva kokuhlengwa kwabayishumi abahlanganisa nezivakashi abakade besesikebheni eziminze eZanzibar, kusho izikhulu ngoMsombuluko.
Isikebhe esaziwa nge-dhow siminzile ngeSonto ngesikhathi sizama ukuwela sisuka eTanzania siwelele esiqhingini eZanzibar.
"Babili abantu abasanyamalele, ngenhlanhla abayishumi batholakele," kusho u-Abdallah Kombo weZanzibar Maritime Authority.
"Isikebhe sihlangabezane namagagasi anamandla sase siginqika.”
Amaphoyisa athe kuhlengwe iizvakashi ezintathu zaseDutch kanti abalahlekile ngowesilisa nowesifazane baseTanzania.
Balinganiselwa ku-144 abantu abashona ngenyanga eyedlule, ezehlakalweni ezehlukene zezingozi zezikebhe khona eZanzibar.
– "Like" ikhasi lethu
ku-Facebook uze ukwazi ukujoyina inkulumo ngolimi lwakho.
– Landela IzindabaNews24 kuTwitter
(@IzindabaNews24).
