Cape Town – Izwe laseKenya ngeke nangephutha liyamukele impilo yobutabane ngokusho kukaSekela Mengameli walo uWilliam Ruto oqhube wathi le mpilo ayihambisana nenkolo yobuKristu.
Ngokubika kweStandard Media uRuto ukusho lokhu ngesikhathi ekhuluma ebandleni iJesus Winner Ministry eKasarani.
“Sizobambisana nabaholi bezenkolo ukulwa nale mpilo.
OLUNYE UDABA:‘IZambia neZimbabwe yizithupha ziya egwayini’
Ngeke siyivumele impilo yobutabane ngokuba ayihambisani nenkolo noma nosiko lwethu,” uRuto ecashunwa.
Inkulumo kaRuto iqhamuka ngemuva kwezinsuku inkantolo ephakeme inxuse uhlaka oluzimele lukahulumeni ukuba lamukele ngokusemthethweni inhlangano emele amalungelo ezitabane ezweni.
IKenya ibalwa njengelinye lamazwe acwasa kakhulu impilo yobutabane njengoba ucwaningo lwango-2007 lwathola ukuthi abantu abangu-96 baseKenya baveza ukuthi abahambisani nale mpilo njengoba beyibona iphambene nomthetho.
- “Like” ikhasi lethu kuFacebook ukuze uthole izindaba ngolimi lwakho