18 Sep 2014

IKenya nohlelo lokukhumbula abaseWestgate Mall

Nairobi - Ziqalile izinhlelo zokukhumbula abantu abashona ngesikhathi kuhlaselwa inxanxathela yezitolo iWaste Gate eNiarobi eKanya njengoba le nxanxathela yethule indawo yesikhumbuzo ngaphakathi kuyona.

Ngokubika kwezindaba ze-SABC imindeni nezihlobo zalabo abathinteka ngesikhathi kwenzeka lo mshophi banikezwe ithuba lokuchaza kabanzi ngokuthi yikuphi okushintshile ngempilo yabo selokhu balahlekelwa yizihlobo zabo.

OLUNYE UDABA: Ukuhlasela kwaseKenya

Lesi sigameko senzeka ngomhlaka 21 kuSepthemba ngonyaka owedlule ngesikhathi amalungu e-Al-Qaeda egasela kule nxanxathela nokwaholela ekutheni kushone inqwaba yabantu ngesikhathi bephakathi kuyona.

Kubikwa ukuthi endaweni yokugcina amagugu eNairobi sekufakwe izithombe ezikhombisa okwenzeka ngalolu suku nokuyisikhumbuzo esivusa umunyu kubantu abaningi abalahlekelwa angamalungu omndeni nezihlobo.

Umbiko uqhuba uthi lesi sigameko sithathwa njengesimbi kunazozonke esizike zenzeka emalandweni waseKenya.

Kubikwa ukuthi le nxanxathela ayikavulwa ngokusemthethweni selokhu kwenzeka le nhlekelele njengoba isalungiswa kabusha.

- “Like” ikhasi lethu kuFacebook ukuze uthole izindaba ngolimi lwakho

- Landela IzindabaNews24 kuTwitter

We live in a world where facts and fiction get blurred

Who we choose to trust can have a profound impact on our lives. Join thousands of devoted South Africans who look to News24 to bring them news they can trust every day. As we celebrate 25 years, become a News24 subscriber as we strive to keep you informed, inspired and empowered.

Join News24 today

description

username

Show Comments ()