Gaborone – Inhlangano elwela amalungelo ezitabane eBotswana iLesbians Gays
and Bisexual of Botswana (Legabibo) iveze ukuthi izoqala phansi ihambisa incwadi yokuthi ibhaliswe ngokusemethethweni.
Ngokombiko iLegabibo
izoqala kabusha ifake isicelo kuhulumeni ukuthi ayibhalise ngokusemthethweni
njengenhlangano egunyaziwe ukuthi ikwazi ukulwela amalungelo abantu abaphila
impilo yobutabane nalabo abazishintsha ubulili.
Le nhlangano ifaka lesi si cello kabusha
kulandela ukuthi ivunwe yinkantolo ngemuva kokuthi uhulumeni waseBotswana
anqaba ukuyibhalisa ngokusemthethweni.
OLUNYE UDABA: Inkantolo iyalele uhulumeni abhalise eyezitabane
Ngesikhathi uhulumeni uchitha le
nhlangano waveza ukuthi isizathu ngesokuthi iBotswana ayibamukeli abantu
abaphila impilo yobutabane.
“Sisebenzisa
nethimba labameli bethu ukuphothula izincwadi zesicelo sethu ukuthi sikwazi
ukuthi sibhaliswe ngokusemthethweni ezweni lethu njengoba sizimisele ukuthi
amaphepha siwahambisa kusasa,” kusho omunye wabagqugquzeli beLegabibo uCaine
Youngaman.
Uthe kwisicelo sabo bazophinde bafake namaphepha asenkantolo ukuze
aseke isicelo sabo, UYoungman uthe unethemba ukuthi isicelo sabo sizophumelela.
- “Like” ikhasi lethu kuFacebook ukuze uthole izindaba ngolimi lwakho