Karatina – Kutholakale isidumbu somfundi oneminyaka engu-20 ubudala
wasenyuvesi eseKenya ngasesangweni lendawo abeqashe kuyo edolobheni iKaratina.
Lo mfundi, odabuka eMathioya, uqale ukufunda kule nyuvesi ngenyanga eyedlule enza izifundo zebhizinisi.
Kubikwa ukuthi ushone ngemuva kokuhlaselwa abantu abangaziwa abamgqeme ngesikhali esibuthuntu.
Isikhulu sendawo, uDaniel Ngatia, sithe kusolakala ukuthi lo mfundi ubulawe kubangwa intombi njengoba isidumbu sakhe besikakwe amakhondomu asesetshenzisiwe.
OLUNYE UDABA: Kutholakale isidumbu sosana emgwaqeni
Owamaphoyisa uMwiti Mathiu uthe okwamanje abayazi imbangela yalokhu kuhlasela kanti uphenyo luyaqhubeka.
Uqhube ngokunxusa inyuvesi ukuba inikeze abafundi indawo yokuhlala ngoba abaphephile uma behlala ngaphandle.