Dakar – Sekuqinisekiswe ukuthi kutholakale umuntu wokuqala onegciwane le-Ebola eSenegal, endaweni enkulukazi yezamabhizinisi neyisizinda sezinhlangano ezihlinzeka ngosizo kubantu eNtshonalanga Afrika, kusho uNgqongqoshe wezeMpilo u-Awa Marie Coll Seck etshela abezindaba ngoLwesihlanu.
UNgqongqoshe uthe umuntu otholwe nalesi sifo ungowokudabuka eGuinea, okuyizwe okwaqala khona ukubonakala leli gciwane ngoMashi.
Khonamanjalo, ucwaningo lwegazi labanye abantu ababulawa i-Ebola eSierra Leone luveze ukuthi leli gcinawe liyashintsha shintsha ngokwahlukana kwabantu, nokuyinto engase ilimaze imizamo yokulilapha, kusho ucwaningo ngoLwesine.
"Ngesikhathi
senza ucwaningo sithole ukuthi leli gciwane lenza njengawo wonke amanye
amagciwane," kusho uPardis Sabeti waseHarvard University and the Broad
Institute.
– "Like"
ikhasi lethu ku-Facebook uze ukwazi ukujoyina inkulumo ngolimi lwakho.