Kampala - Isosha ebeliqhuba imbuzi lidubule labulala abantu abayisishiyagalolunye kwathi abangu-12 balimala ngesikhathi kusuka ingxabano kubangwa owesifazane e-Uganda, kusho izikhulu.
Ngemuva kokuvuka umbhajazane livulele ngenhlamvu enxanxatheleni yezitolo eKarugutu, ngoMgqibelo ebusuku, leli sosha libe selibhekisa umbhobho wesibhamu ngakulona lazibulala, kusho okhulumela umbutho wezempi uRonald Kakurungu.
"Leli sosha beliye endaweni yokuzijuxuza labe selixabana nabanye abantu kubangwa owesifazane. Libe seliya enkanjini lahosha isibhamu ladubula amasosha amane nezakhamuzi eziyisihlanu labe selizibulala nalo," kusho uKakurungu.
UMnyango wezokuVikela usunxephezele imindeni yezisulu ngemali.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter