Brazzville - Sesibulale abantu abangu-13 isifo esingaziwa esisanda kuqubuka eDemocratic Republic of Congo.
Ngokusho kwehhovisi lezempilo kuleli lizwe kusukela ngomhlaka-11 sekushone inqwaba yabantu ngalesi sifo kanti sekunokusabela ukuthi kungenzeka sibe wubhubhane njenge-Ebola.
“Bonke asebeshonile ngalesi sifo bakhombise izimpawo zokushis akomzimba, ukukhishwa yisisu, ukuphalaza kanti uma sebezoshona baphalaza izinto ezimnyama,” kusho uDkt Felix Kabane Numbi.
Uqhube wathi bangu-80 asebengeniswe esibhedlela ngalesi sifo.
UNumbi uthe akukacaci ukuthi lesi sifo siyahambisana yini ne-Ebola kwazise zikhona izimpawu ezithi mazifane.
“Okwamanje ngeke sithi yi-Ebola kodwa sizobaqapha laba abangeniswe esibhedlela ukuze sihlole isimo sabo,” kuchaza uNumbi.
- “Like” ikhasi lethu kuFacebook ukuze uthole izindaba ngolimi lwakho