Fort Worth - Udokotela waseMelika, uKent Brantly, nobejutshwe eLiberia ukuba ayoqhuba umsebenzi wokusiza abantu, kubikwa ukuthi ubangwa nezibi kulandela ukutheleleka nge-Ebola.
UBrantly, nobekholelwa kakhulu ekusizeni abantu, manje nguye oselele embhedeni elwela impilo yakhe esibhedlela esiseMonrovia, eLiberia, ngemuva kokwesuleleka ngalo bhubhane.
Lo dokotela owaqeqeshwa eTexas uthi "kuyamsabisa" ukucabanga ukuthi kuzokwenzakalani uma leli gciwane liqhubeka libhebhetheka, ngokusho kukaDkt David
Mcray, noyisikhulu eJohn Peter Smith
Hospital, eFort Worth.
"Ngikhuleka ngethemba lokuthi uNkulunkulu uzongisiza nginqobe leli gciwane," kusho uBrantly ebhalela uMcray i-email ngoMsombuluko.
Lo dokotela uphinde wacela ukuba kuphinde kukhulekelwe uNancy Writebol, nongumsebenzi wezempilo waseMelika naye owesuleleke ngaleli gciwane.
Kuthiwa isimo sikaBrantly sibi kakhulu kanti nokuvala kwemingcele kuvimbela ukuthi ayolashelwa kwelakubo.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter