Sinai – Kushone amaphoyisa ase-Egypt angu-11 abesemotweni ngesikhathi
kuqhuma ibhomu eceleni komgwaqo eduze kwabo eSinai Peninsula.
Ngokubika kwe-eNCA
lesi sigameko senzeke ngoLwesibili.
Kuthiwa amasosha ama-Islamist yiwona
ahlasela amaphoyisa namasosha aseGibhithe selokhu kwaketulwa uMengameli Mohamed
Morsi ngoJulayi wonyaka odlule.
Kubikwa ukuthi kuphinde kwalimala namanye
amane kulesi sigameko okusolakala ukuthi besivele siqondiswe emaphoyiseni.
Iqembu elizibiza ngama-Ansar Beit al-Maqdis laphumela obala ngokuthi yilona
elihlasela amaphoyisa ngemuva kokubula kwabaholi balo.
Babalelwa ku-1 400
abantu asebebulewe selokhu uMorsi aketulwa okuhlanganisa nabangu-700 ababulawa
ngosuku olulodwa ngomhlaka-14 Agasti 2013.
- “Like” ikhasi lethu kuFacebook ukuze uthole izindaba ngolimi lwakho