Nairobi - Amaphoyisa aseKenya athi sekubuyiselwe emakhaya abokufika abadabuka eSomalia, abangu-91, abakade besezweni ngokungekho emthethweni.
Umbiko uthi abafuduki bathuthelwe eMogadishu.
Isikhulu samaphoyisa uChief David Kimaiyo, uthi ngoLwesine kugodukiswe abangu-91 abadabuka eSomalia kanti ngesonto eledlule kwagodukiswa abanye abangu-82.
Inhloso enkulu yomkhankaso wamaphoyisa, ukulwisana nobuphekuka kanjalo nabokufika abangenawo amaphepha okuba sezweni.
Inhlangano yamalungelo ithi amaphoyisa ahlukumeza abokufika ngokocansi aphinde aphazamise amanye amalungelo abo.
U-Omar bin Omar, obehlala eNairobi, nodabuka eSomalia, uthi lo mkhankaso ubhekiswe kakhulu kubantu abanentshebe nabagqoka izimpahla zamaSulumane.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.