Nairobi - Amasosha omkhosi wasemanzini eKenya asecwilise umkhumbi obuqukethe izidakamizwa ebezingadayisa izigidi zamarandi, ogwini lwedolobha iMombasa.
Kuthiwa izidakamizwa lezi bekungezenani lika-R10 million.
UMengameli Uhuru Kenyatta nguye oyalele ukuba kucekelwe phansi lezi zidakamizwa ukuze kutshengiswe abashushumbisi bazo ukuthi uhulumeni uzimisele ngokulwisana nabo.
Lo mkhumbi owawuthwele izidakamizwa, washaqwa ngoJulayi wuphiko lwezokuphepha olwalunywa indlebe ngamaphoyisa omhlaba i-Interpol.
Lezi zidakamizwa zohlobo lwe-heroin ebezingu-378 kg isisindo zazithukuswe esigujini sikadizili kulo mkhumbi.
Kwaboshwa abasolwa abayisishiyagalolunye, okubalwa abayisithupha abadabuka ePakistan, kanti babhekene namacala okushushumbisa izidakamizwa.
- “Like” ikhasi lethu kuFacebook ukuze uthole izindaba ngolimi lwakho