20 Oct 2014

Kufunwa obanjwe nenqwaba yamaphenti angamasekeni

Harare - Uphiko iZimbabwe Revenue Authority (Zimra) lushaqe izijumbane zamaphenti aseke agqokwa ezinesisindo sika-46kg eSango Border Post.

Kuyicala elibomvu eZimbabwe ukuthi abadayisi bangenise amasekeni ezimpahla zangaphansi zanoma yiluphi uhlobo – akukhathaleki zisuke zithengiwe noma kunikelwe ngazo, kubika i-myzimbabwe.

La maphenti okubalwa kuwo, lawa ayintambo (g-string) “nomamhlongo” ashaqwe ngamaphoyisa abheka izimpahla ezingena ezweni, ngokusho kombiko womqulu kahulumeni.

Isikhulu seZimra uGershom Pasi uthe bathole inqwaba yamaphenti nama-pantihose asesebenzile ngesikhathi beqhuba umsebenzi.

OLUNYE UDABA: Izelamani zikhala ngokwebelwa amaphenti

Umshushumbisi lo kuthiwa utholakale nama-pantihose anesisindo sika-146kg, amaphenti nama-anda anesisindo sika-46kg.

Ngemuva kokuhlonywa imibuzo, umnikazi wala maphenti ube esecele empunzini, kusho uPasi.

Isimo somnotho esintengayo eZimbabwe siphoqa abantu ukuthi bathenge izimpahla zangaphansi ezingamasekeni ngenxa yokusweleka kwemali.

- “Like” ikhasi lethu kuFacebook ukuze uthole izindaba ngolimi lwakho

- Landela IzindabaNews24 kuTwitter

We live in a world where facts and fiction get blurred

Who we choose to trust can have a profound impact on our lives. Join thousands of devoted South Africans who look to News24 to bring them news they can trust every day. As we celebrate 25 years, become a News24 subscriber as we strive to keep you informed, inspired and empowered.

Join News24 today

description

username

Show Comments ()