Blantyre, Malawi - UMengameli waseMalawi uJoyce Banda ukhulule iziboshwa ezingu-281 emajele ezwe okuthiwa agcwele ngokweqile, ekwenza lokhu njengoba kugujwa amaholidi ePhasika.
UMnyango wezaseKhaya ukhiphe isitatimende wathi iziboshwa ezidedeliwe yilezo "ebesezidonse cishe ingxenye yesigwebo sazo futhi ziziphethe kahle. Ezinye zazigwetshelwe amacala angekho bucayi."
Amajele aseMalawi angu-34 athwele kanzima njengoba umkhulu kakhulu umthamo weziboshwa emajele.
Kuthiwa lokhu kuyimisebenzi yezinkantolo ezigweba iziboshwa noma amacala abhekene nazo engekho bucayi.
Kepha njalo uma kuzogujwa amaholidi, iziboshwa zithola ushwele kamengameli.
Ijaji eselathatha umhlalaphansi uDuncan Tambala wake wachaza isimo samajele akuleliya lizwe elibhuqwa ububha "njengesihogo esisemhlabeni".
- “Like” ikhasi lethu kuFacebook ukuze uthole izindaba ngolimi lwakho