Kulindelwe isinqumo ngothinta izitabane e-Uganda

Kampala - Kulindeleke ukuba inkantolo yase-Uganda ikhiphe isinqumo mayelana nesicelo esafakwa yizishoshovu ezithi umthetho omusha omayelana nezitabane kuleli lizwe awunabulungiswa.

Umthetho lo waphasiswa yiPhalamende ngasekuqaleni kwalo nyaka.

Uma ithimba lamajaji eNkantolo yoMthethosisekelo e-Uganda livumelana, lo mthetho ungase uhoxiswe.

Uma kungahambi kanjalo, amajaji ayobe eseyaqhubeka nokulalela izikhalazo zezishoshovu ezithi lo mthetho uyaphambana noMthethosisekelo.

Ngokwalo mthetho, labo abalahlwa ngamacala obutabane bangase bathole izigwebo ezingafika nakudilikajele.

Yize lo mthetho wesekwa ngabaningi e-Uganda, usalokhu uqhubeke njalo nokuthola ukugxekwa ngamazwe asentshonalanga, nawuchaza njengobulwane.

UMengameli uYoweri Museveni waphasisa lo mthetho ngoFebhuwari walo nyaka, nokwabona izwe liphucwa uxhaso olwaluvela emazweni aphesheya kwezilwandle.

 

 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter