Abuja – Kumele kugxekwe uMengameli uGoodluck Jonathan uma igciwane le-Ebola libhebhetheka eNigeria ngemuva kokwehluleka ukunqanda ukubanjwa kwerali ebihlelelwe ukumeseka ePort Harcourt, ngoMgqibelo nakuba bekukhishwe izexwayiso ngalokhu, kusho iqembu eliphikisayo.
"Akukaze kwenzeke ukuthi uMengameli wezwe aphikisane nomgomo weqembu lakhe bese ebeka engcupheni izimpilo zabantu njengoba enzile uMengameli uJonathan ngodaba lwe-Ebola," kusho i-All Progressives Congress (APC) esitatimendeni esikhishwe ngunobhala weqembu, u-Alhaji Lai Mohammed.
Uthe irali ibanjwe nakuba uJonathan ememezele ukuba kumele kwenziwe okuthile ngokushesha ukubhekana ne-Ebola kuleliya lizwe waphinde wathi kumele ingabanjwa imibuthano ukuze kugwemeke ukubhebhetheka kwaleli gciwane, kubike abe-CAJ.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.