Kuphume idlanzana embhikishweni wokuliwisana nobutabane

Nairobi – Kuphume idlanzana labantu ngesikhathi kunombhikisho wokulwa nobutabane enhlokodolobha yaseKenya iNairobi ngokusho kombiko.

Lo mbhikisho ubunabantu ababalelwa ku-35 ubuhlelwe ngabazibiza nge-Avengical Alliance of Kenya kanti bathe bafuna ukuxwayisa uMengameli wase-United States uBarack Obama njengoba kulindeleke ukuthi atheleke kuleli lizwe ngasekupheleni kwenyanga.

Leli dlanzana lithe linxusa u-Obama ukuthi angayikhuthazi impilo yobutabane kuleli lizwe njengoba elindeleke ukuthi atheleke ngomhlaka 24 kuya kumhlaka 28 kuJulayi.

U-Obama uzobe ehambele ezweni laseKenya okuzalwa kulo uyise okokuqala kusukela aqokwa njengomengameli wase-US.

OLUNYE UDABA: Uthisha ezinsolweni zokumithisa umfundi

Uzobe ehambele ingqungquthela ebizwa ngeGlobal Entrepreneurship Summit ezoba ihanjelwe osomabhizinisi, izinhlangano zomhlaba ezizimele nezikhulu zikahulumeni emazweni ahlukene.

Umholi wale Alliance uBoshop Mark Kariuki uthe izitabane ziphikisana nemigomo yokuphila futhi zithumela umyalezo ongalungile kubantu abasha.

Lo mbhikisho uqhamuka ngemuva kosuku uSekela Maengameli waseKenya ekubeke ngembaba ukuthi labo abajola nobulili obufana kumele baphume baphele kuleli lizwe.

      - “Like” ikhasi lethu kuFacebook ukuze uthole izindaba ngolimi lwakho

          - Landela IzindabaNews24 kuTwitter