Cairo – Iqulu labantu lishise ngomlilo
ikomkhulu loyedwa wababili abakhankasela ukhetho lobumengameli eGibhithe,
abazobe bebanga okhethweni oluzokhomba ukuthi ubani ozohola leliya lizwe
ngemuva kokuketulwa kowayengumengameli ngonyaka odlule.
Ukuhlaselwa kwehhovisi lika-Ahmed Shafiq
kwenzeke ngemuva kwamahora ikhomishana ebhekele ukhetho limemezele ukuthi
uzobhekana nomele iMuslim Brotherhood, uMohammed Morsi, okhethweni
lwangomhlaka-16 kuya ku-17 kuJuni.
Umzuliswane wesibili ufaka embangweni
wesobumengameli uShafiq, owayengundunankulu kaMengameli owaketulwa uHosni Mubarak,
noMorsi, owombutho wamaSulumane, okuyinto engeyinhle kubantu abaningi
baseGibhithe ababebhikisha ngonyaka odlule befuna uguquko kwezombusazwe,
inkululeko nokulingana.
- “Like”
ikhasi lethu kuFacebook ukuze uthole izindaba ngolimi lwakho
- Landela
IzindabaNews24 kuTwitter
Sapa - AP
