Publications
Partners
Cape Town – Undunankulu waseLesotho uTom Thabane osanda kubuyela kuleli
lizwe ngezinhloso zokubuyisa ukuthula usephumele obala ukuthi isimo
sezokuphepha sisemanzonzo ukuthi lingavulwa iPhalamende.
Ngokubika kwe-eNCA ngoMsombuluko
kuthiwa uThabane uveze ukuthi isimo asikakulungeli ukuthi kuvulwe iPhalamende
eLesotho njengoba ezokuphepha zikangaqini ngokwenele.
Ngokombiko uThabane
ubekhuluma ngaphambi komhlangano wamazwe aseSADC ozoba ngoMsombuluko ePretoria
lapho kulindeleke ukuba kudingidwe udaba oluthinta isimo sezepolitiki eLesotho.
OLUNYE UDABA: Zimbi izindaba eLesotho
Isimo saseLesotho sigcine siphoqa
iNingizimu Afrika ukuba ibize umhlangano ophuthumayo nabaholi bamazwe aseSADC.
Kuzokhulumbuleka ukuthi uMengameli Jacob Zuma
unikeze iLesotho izinsuku ezimbili ukuthi iqhamuke nosuku lokuthi lizovulwa
nini iPhalamende.
Kubikwa ukuthi ukuvulwa kwePhalamende kuzoba yigxathu
lokuqala ukubuyisa isimo kwesejwayelekile eLesotho kwazise livalwe kusukela ngoJuni.
Kulindeleke ukuthi laba baholi baseSADC badingide nodaba lwaseDemocratic
Republic of Congo.
- “Like” ikhasi lethu kuFacebook ukuze uthole izindaba ngolimi lwakho
