Lagos – Kugwilize kwashona izingane eziyisithupha kuketuka isikebhe ebesizihambisa esikoleni eLagos eNigeria ngokusho kweziphathimandla.
“Bezingu-14 izingane ebezigcwele kulesi sikebhe ngesikhathi siketuka,” kusho u-Ibrahim Farinloye okhulumela iNational Emergency Management Agency etshela abezindaba.
“Ezingu-8 zikwazile ukutakulwa zasinda kwathi eziyisithupha zacwila kanjalo.3
OLUNYE UDABA: Sekuboshwe 12 eTunisia kulandela isibhicongo
NgoLwesithathu sikwazile ukutakula izidumbu ezintathu zalezi zingane kanti ezinye izidumbu size sazitakula namhlanje nokwenza zibe yisithupha sezizonke izingane eziphangalale kulo mshaphi.”
Lesi sigameko senzeke ngoLwesithathu esifundeni sase-Irawe edolobheni lase-Oceanside.
Iningi labantu abasebenzayo nezingane zesikole zisebenzisa izikebhe uma beya emadolobheni amakhulu okubalwa neLagos.
- “Like” ikhasi lethu kuFacebook ukuze uthole izindaba ngolimi lwakho