Maiduguri – Kushone abantu abayisikhombisa ngesikhathi kuqhuma amabhomu amabili endaweni okwenzelwa kuyo imicimbi yomshado enyakatho yempumalanga yaseNigeria, ngokusho kwemithombo.
Abazibonele bathi lesi sigameko senzeke ngoLwesihlanu ekuseni eTashan Alade esifundazweni saseBorno ngesikhathi imindeni nezihlobo zikamakoti nomkhwenyana zilungiselela umcimbi wokubopha elikasofa silahlane.
Indawo yaseTashan Alade sekukaningi ihlaselwa yiqembu leBoko Haram phambilini kodwa kulokhu akucacanga ukuthi kungabe yilona yini elitshale la mabhomu.
OLUNYE UDABA: Kuvaleleke iziguli eliftini esibhedlela
“Izidumbu eziyisikhombisa zitholakale endaweni yesigameko,” kusho omunye wofakazi u-Almu Mukhtar.
“Abantu abalelwa ku-30 balimale kanzima kanti umlilo udale umonakalo omkhulu kwizindlu eziduzane.
Esinye siziphathimandla uMato Makatara uthe kuboshwa umsolwa oyedwa ngalesi sigameko kanti usaphekwa ngemibuzo.
Lesi sigameko senzeke ngesikhathi kugcotshwa uMengameli omusha waseNigeria uMuhammadu Buhari.
- “Like” ikhasi lethu kuFacebook ukuze uthole izindaba ngolimi lwakho