Nyeri – Kushone amalungu amane omndeni ngemuva kokuthi imoto abehambangayo isuka eNairobi ilibangise eKirinyaga, eKenya, igingqika, kusho umbiko.
Kuthiwa le moto igingqike ngesikhathi umshayeli ezama ukuvika iloli ebiza nganeno.
Okhulumela amaphoyisa endawo, uTitus Yoma, uthe lo mndeni ubuphelezela ingane yawo yentombazane iya esikoleni njengoba bekuvulwa izikole.
UYoma uthe abantu ababili bashonele endaweni yesigameko kwathi abanye ababili baphelela esibhedlela.
OLUNYE UDABA: Kushone 2 engozini yomgwaqo
Abashonile ngabafana ababili abayizelamani abeneminyaka engu-11 no-12 ubudala, umama nomalume obekunguye obeshayela le moto.
UYoma uqhuba ngokuthi kule ngozi kusinde ubaba, ingane yakhe eneminyaka emibili ubudala nentombazane, 19, ebihanjiswa esikoleni.
Ube esenxusa abashayeli ukuba bashayele ngokucophelela emigwaqeni.