30 Jul 2014

Kushone udokotela obelapha i-Ebola

Freetown - Udokotela obehamba phambili ekwelapheni ubhubhane i-Ebola, eSierra Leone, kugcine kumenele njengoba naye egcine esuleleka ngaleli gciwane, kusho inhloko yezempilo ezweni.

Ukushona kukaSheik Umar Khan, 39, nobesekwazile ukwelapha iziguli ezingaphezi kuka-100, kuza ngemuva kokutheleleka ngaleli gciwane kwenqwaba yabasebenzi bezempilo kuleliya lizwe kanye nababili abaqhamuka eMelika abasebenzela eLiberia.

Lokhu kubeka obala ubungozi abasebenzi bezempilo abangaphansi kwabo njengoba bezama ukunqanda ukubhebhetheka kwaleli gciwane entshonalanga ye-Afrika.

I-Ebola kukholakala ukuthi isibulale abantu abangu-672 eGuinea, Liberia naseSierra Leone kusukela yabheduka ngoFebhuwari nonyaka, ngokwezibalo zeWorld Health Organisation.

Lesi sifo onaso ubonakala ngokubuyisa, ukukhishwa yisisu kanye nokopha.

- “Like” ikhasi lethu kuFacebook ukuze uthole izindaba ngolimi lwakho

- Landela IzindabaNews24 kuTwitter

We live in a world where facts and fiction get blurred

Who we choose to trust can have a profound impact on our lives. Join thousands of devoted South Africans who look to News24 to bring them news they can trust every day. As we celebrate 25 years, become a News24 subscriber as we strive to keep you informed, inspired and empowered.

Join News24 today

description

username

Show Comments ()