Bulawayo - Kuvele ukuthi akuzona ezakhe zombili izingane ezingamawele owesilisa obefakelwe indaba yesondlo enkantolo, kusho umbiko.
Umama wala mawele ugcine evumile emaphepheni afakwe enkantolo ukuthi walala nabesilisa ababili esontweni elilodwa, kepha wathi izingane ngezesoka lakhe.
Kwabe sekwenziwa ulibofuzo kwatholakala ukuthi lezi zingane zinobaba ababili.
OLUNYE UDABA:Ubelethe amawele amane maqede washona
IJaji uSohail Mohammad ube esenquma ngoMsombuluko ukuthi lo wesilisa obefakwe enkantolo ondle iwele elilodwa ngemali engu-R300 njalo ngenyanga.
Ijaji lithi sekungokwesithathu lihlangabezana nesigameko esinjengalesi – amawele anobaba abahlukene.
Kuthiwa ngokwezempilo, owesifazane uyakwazi ukukhulelwa izingane zobaba abehlukene uma elale nabo evikini elilodwa.