Kuyisitayela ukunakekelwa uweta omhlophe eKenya

Nairobi – Izinkumbi zabantu abaphila impilo ephakeme eNiarobi eKenya zigcwala ezindaweni zokudlela zikanokusho ukuze zilethelwe ukudla ngabamhlophe.

Ngokubika kwe-New York Times kuyinto edlisayo eKenya ukuba noweta abamhlophe futhi nabantu bakhona bayakuthokozela ukunakekelwa yibona kwazise lokhu kuchaza ukuthi sebekwelinye izinga. 

Kubikwa ukuthi kuyinto engajwayelekile ukubona abelungu benza umsebenzi ebukeleka phansi. 

Umbiko uveza abelungu abangioweta bawenza kahle umsebenzi wabo futhi vahloniphekile kunalabo abamnyama.

OLUNYE UDABA: Aphika elokubulala amaphoyisa

Kuthiwa benza umsebenzi wokuba uweta ubukeke unesithunzi ngoba kuseyimvela kancane ukubabona benza lo msebenzi. 

Omunye wabesifazane ocashuwe yileli phendaba uthe uchazwa yindlela ababingelela futhi abakhuluma ngayo uma bekhuluma namakhasimende.

“Bayahlonipha bakwenze uzizwe uyisikhulu yingakho sithanda ukuthi kube yibona abasilethela ukudla uma sisendaweni yokudlela ,” kusho lona wesifazane enanela ngokuthi kusesitayeleni edolobheni laseNairobi ukuhlonishwa ngabamhlophe.

Kubikwa ukuthi iningi labamhlophe abenza umsebenzi wokuweta yailabo abaqhamuka kwamanye amazwe.

     - “Like” ikhasi lethu kuFacebook ukuze uthole izindaba ngolimi lwakho

        - Landela IzindabaNews24 kuTwitter