Lagos – Inhlangano eyengamele i-wrestling emhlabeni i-FILA isimemezele ukuthi abadlali balo mdlalo wezidlakela abangu-9 ngeke bekwazi ukungenela umqhudelwano womhlaba ngenxa yemigomo ebekiwe yokusabalala kwe-Ebola.
Amazwe amaningi aseNtshonalanga ye-Afrika ahlaselwe yisifo se-Ebola kanti lokhu sekudale ukuthi amazwe amaningi emhlabeni avale ukuxhumana nala mazwe ngenxa yokusabela lesi sifo.
Kuthiwa abangu-7 balaba badlali baqhamuka eNigeria kanti ababili ngabaseSierra Leone.
UMengameli wale nhlangano uNenad Lalovic uzwakalise ukuzwelana nalaba badlali be-wrestling, okuhlanganisa abaqeqeshi nabalandeli babo.
Uthe akukho abangakwenza ngalesi gameko kwazise imigomo ebekiwe ngesyokuvikela nabanye abadlali.
Kulindeleke ukuthi imidlalo yomhlaba ye-wrestling iqale ngomhlaka 8 Septhemba eTashakent.
- “Like” ikhasi lethu kuFacebook ukuze uthole izindaba ngolimi lwakho