Cairo – Ingane yaseGibhithe isinikezwe izinsuku ezimbalwa kuphela iphila ngemuva kokuzalwa ineso elilodwa esiphongweni, kusho umbiko.
Kukholakala ukuthi umama wale ngane waba nenkinga ekhulelwe.
Umbiko weDaily Mail uthi le ngane inesifo esaziwa nge-cyclopia, okuyisifo esiphetha ngokuthi usana lushone lusanda kuzalwa.
Le ngane ayinalo ikhala kanti izimbobo zamehlo bezingakakheki kahle isasesiswini.
OLUNYE UDABA: Kutholakale usana oluzelwe endlini yangasese
Ngokusho kweSalati.com, iningi lezingane ezizalwa zinale nkinga zijwayele ukukhubazeka nokushoda kwezinye izitho zomzimba.
INew York Post ibike ukuthi le nkinga ivame kakhulu ezilwaneni.
Odokotela ezibhedlela ezizimele e-El Senbellawein bakholelwa ekutheni lolu sana lwathola lokhu kugula emithini eyayiphuzwa umama walo lusasesiswini.
Umndeni uthola ukwelulekwa ngokwengqondo.
Hoax? Maybe Not: 'Cyclops' Baby Born In Egypt http://t.co/Bp4fqy4CJ4 pic.twitter.com/uhBWEztiqM
— Lead Stories (@LeadStoriesCom) October 6, 2015