Ongqongqoshe bafuna ukwenyuselwa amaholo ngo-600%

Blantyre - UMengameli waseMalawi uPeter Mutharika, usechithe isiphakamiso soNgqongqoshe beKhabhinethi, abathi bafuna ukwenyuseka amaholo ngo-600%.

UNobhala weKhabhinethi ucele ukuthi ongqongqoshe abangu-20 bakhokhelwe u-$8 800, ngenyanga, kuze bezokwazi ukubhekana nezindleko zempilo.

Lokhu kuvezwe ngumkhulumeli kamengameli uFrederick Ndala.

UMutharika ukubona kungeke kwaba yicebo elihle ukuthi kunyuswe amaholo ngaleli phesenti, ukholwa ukuthi kuxakeke bonke abantu baseMalawi, akusibo ongqonqgoshe bodwa ababhekene nenkinga, kusho uNdala.

UMutharika ungene esikhundelni ngemuva kokudla umhlanganiso okhethweni lwangoMeyi, wachitha obenguMengameli uJoyce Banda.

Umbiko onikwe abezindaba ze-AFP uthi ongqongqoshe bahola imali engaba ngu-$1 500 (R16 000)  ngenyanga baphinde bengezelwe ngo-$2 000 (R21 000), wokubhekana nezidingo.

Abasebenzi bakahulumeni bahola imali engaba ngu-$100 (R1100), ngenyanga.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).