OwaseZimbambwe kwelokudutshulwa kwamaphoyisa

Bulawayo - Amadoda amabili, enye yawo edabuka eZimbabwe, adubule alimaza amaphoyisa amabili ngesikhathi eqa esitokisini abegcinwe kuso.

Umsolwa onamagama amaningi, nokho oboshwe esebenzisa elikaKevin Masango, kukholakala ukuthi unqatshelwe ushwele kwaze kwaba kathathu, kusho abezindaba ze-myzimbabwe.

Amaphoyisa asola uMasango ngesehlakalo sokubanjwa kwenkunzi esenzeka eSilverton ngonyaka owedlule, kwashaqwa isamba semali esingu-R14 million.

Kudutshulwa amaphoyisa nje, bekulindeleke abasolwa bavele ngaphambi kweNkantolo kaMantshi wasePitoli.

UMnyango wezamaJele uthi kumele kukhishwe umbiko ngkushesha kuchazwe ukuthi abamangalelwa basithola kanjani isibhamu.

UKhomishana wamaPhoyisa uRiah Phiyega uzwakalise ukukhathazeka ngokwanda kwezehlakalo zokuhlaselwa kwamaphoyisa.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).