Sekubekwe eceleni u-€2m ukuze kuliwe ne-Ebola

Brussels – I-European Union ngoLwesithathu ibeke eceleni u-€2m ngenhloso yokulwisana nesifo i-Ebola esingumbulalazwe emazweni aseNtshonalanga Afrika.

"Isimo asihambi kahle ngakho kumele siqinise izindlela esizonqanda ngaso ukulahleka kwezimpilo zabantu,” kusho uKristalina Georgieva weHumanitarian Aid ngaphansi kwe-EU.

I-European Union isijube ongoti ukuba bayosiza izisulu bazame nokuvikela ukubhebhethekwa kwesifo kodwa uGeorgieva unxusa ukuba kube nohlelo lwesikhathi eside  okuzosizwa ngalo abantu baseNtshonalanga Afrika ngokushesha".

Kuze kube manje lesi sifo sesibulale abantu abangu-670 eGuinea, eLiberia naseSierra Leone, okungamanye amazwe  ahlupheka kakhulu emhlabeni.

I- EU ithe mancane amathuba okuba lesi sifo sibhebhetheleke nasemazwe ase-Europe.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).