Nigeria - Iningi labazali bama ntombazane angu-200 athunjwa eNigeria angeke baphinde bawa bone amadodakazi awo.
Selokhu kwenzeka lesisigameko sokuthunjwa kwamantombazae ezinyangeni ezintathu ezedlule,abangu-11 babazali sebashona kanti idolobha iChikob livinjezelwe ngamabutho,kusho izakhamuzi.
Obaba bamantombazane abayisikhombisa babalwe ezindunjini ezingu – 51 ezahanjiswa esibhedlela saseChikob esiseduze naseKautakari kulenyanga,kusho osebenzela ezempilo ongafunanga ukudalulwa ngoba esabela impilo yakhe.
Kanti abazali abane sebeshonile ngenxa yokuhlaselwa isifo senhliziyo, Ihihi kanye nezinye izifo umphakathi obhekene nazo njengoba behlale bethukile kakhulu ngalesisigameko esenzeke ezinsukwini ezingu-100,kusho umholi womphakathi uPogu Bitrus okuyena odalule amagama abo.
UBetrus uqhube wathi:"Omunye wobaba bamantombazane amabili athunjwa oshonele esibhedlela ubelokhu ewasho njalo amagama ezingane zakhe waze waficwa ukufa."
Isimo saseChibok sibi kakhulu ngemuva kokuhlaselwa kulendawo, izimoto ezishile emgwaqeni kanti nezindiza azisakwazi ukungena.
Izakhamuzi zibone sezisele budengwane sekungekho ofika nosizo,sezicele abe-United Nations ukuba bangenelele bathumele amasosha ukuze zivikeleke.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.