Bujumbura – Abaholi basemazweni aseMpumalanga Afrika bazohlanga ngeSonto engqungqutheleni eyisipesheli ukuzodingida ngezinxushunxushu zaseBurundi, njengoba amaphoyisa etholene phezulu nababhikishi emigwaqeni enhlokodolobha.
IReuters ibike ukuthi kubonakale amaphoyisa edubula ebhekise kubabhikishi kanti futhi ukuqhuma kwesibhamu kuzwakale nakwezinye izingxenye zaseBujumbura ngoLwesibili ekuseni, lapho kuvalwe khona imigwaqo kanye nezitolo.
Funda nalolu daba: Kubulawe okungenani amaphoyisa angu-20 eKenya
Sekuphele isikhathi imibhikisho iqhubeka kuleliya lizwe, abantu baphikisana nemizamo kaMengameli uPierre Nkurunziza yokufuna ihlandla lesithathu.
Imizamo yokuketulwa kombuso yenzeka uMengameli esemhlanganweni we-East African Community (EAC) okwakuhloswe ngawo ukuxazulula izinkinga. Kodwa nokho ayiphumelelanga.
I-EAC ngoMsombuluko kuTwitter ithe izobamba umhlangano ngeSonto, kubika i-eNCA.
– "Like" ikhasi lethu ku-Facebook uze ukwazi ukujoyina inkulumo ngolimi lwakho.