Washington – UMengameli waseMelika uBarack Obama ukhulume nosanda kunqoba ukhetho eNigeria, uMuhammadu Buhari nalowo oseshenxa esihlalweni uGoodluck Jonathan, wabancoma ngendima abayidlalile ekunikezeleni kwamandla okokuqala ngqa ngaphansi kwentando yeningi.
U-Obama ukhulume nala baholi ngokuhlukana “wabancoma ngokutshengisa ubuholi obuqotho ngesikhathi kuqhubeka ukhetho eNigeria”, kusho iWhite House.
OLUNYE UDABA: AbaseZim bathi uMugabe angafunda kolwaseNigeria
Ukudla umhlanganiso kukaBuhari nokushesha ukuvuma induku kukaJonathan kusizile ekubhaleni isigaba esisha somlando wezwe elidume ngodlame.
Usuwavukelwa kasithupha uMbuso eNigeria kusukela izwe lathola uzimelegeqe ngo-1960, kanti iqembu likaJonathan bese liphathe izwe iminyaka engu-16 lingaphazanyiswa.
“Lona ngumlando weNigeria kanye ne-Afrika yonkana,” kusho umeluleki ka-Obama kwezokuphepha uSusan Rice.